40 jarig jubileum

40 jarig jubilleum 1997

“Ode aan de Nonnevotteclub”

In deeze tied van Krisman en Sinterklaos
haet jeeder gaer get onger de boum of in de haos
deks kenne d’r zich dat niet permeteiere
en mot me hun sjteun van angere waardeiere

Zo’n sjteun geef al jaore lank
en dat zonger ennige dank
es ’t mot doon ze zich oet pes oppe sjtup
de leede van de zittisje Nonnevotteklup

Sjpeele al jaore gulle gaever d’r wurt niet euver gerep
veur kranke alleinstaone of luuj mit ei handiekap
Ze doon van al veur ’t verzaamele van pinke
en laote zo mer de geldjbuujel klinke

Aan die Nonnevotteklup maoch auch ens waere gedach
went zie höbbe al zoo väöle plezeier gebrach
es kultireilevereniging sjtaon ze te bouk
mer komme deks es barmartigge samaritaan om de houk

Ze doon zelf en mit sjponsoore de zaak finnanseiere
om zo de flepkes bie ein te kriege perbeiere
dat geef hun sjpas in de boet
went die cente gaeve ze gaer wei’r oet

Zuike nao instanties en erme
die zich dao van wei’r kenne werme
van allerlei attraktie en prechtige reakties.

Auch zie maache ens in ’t zunke waere gezat
al van 1957 doon ze dat
al daen tied mit geweldige inzat zonger te kuume
höbbe ze veur minnigein plaats in hun hart doon inruume

Wie me ’t auch bekik of dreet
’t is toch prettig dat geer d’r zeet
Dat zat ich op papier wie bliek
Went mit zón klub vuilt me zich toch riek.

Jan Dieteren
Bie gelaegenheid van eur 40 jaorig jubbeleumi